Gizarte Ekimeneko Kooperatiba gara
Gure balioak bat datoz mugimendu kooperatiboaren antolakuntza-oinarriekin: lankidetza, erantzukizuna, berdintasuna, solidaritatea…
Esku-hartze sozialaren esparruan aritzen gara, haur, nerabe eta gazteak ardatz hartuta, eta laguntza teknikoko, esku hartzeko eta aholkularitzako kalitatezko zerbitzuak ematen dizkiegu erakunde publiko nahiz pribatuei.
Gure lan-ildoak askotarikoak dira eta eskarmentu handia dugu, besteak beste, gazteria-politika eta –programetan, haur eta nerabeen babesean, komunikazio hezigarrian, hezkuntza ez formalean, aisiaren eta astialdiaren pedagogian, psikologian, gizarte-hezkuntzan, etab..
Izan ere, diziplina anitzeko profesionalek osatzen dugu, eta gure filosofia eta lan egiteko modua parte-hartzean eta talde-lanean oinarritzen dira. Ildo horretan, gure ingurunearekiko erantzukizun sozialak mugitzen gaitu, gizartearekiko eta pertsonekiko (langile, bezero zein erabiltzaileekiko) konpromisoak; betiere gure erroak gure balio etikoetan, elkarbizitzan eta bestearekiko nahiz aniztasunarekiko errespetuan ditugula.
Gure balioak
Erantzukizun soziala
Gure erabaki eta ekimenen bidez gizartearen, komunitatearen, onura bilatzea dugu gure eremuan eta harago, jasangarritasunaren (sozial, ekonomiko eta ingurumenekoaren) mesedetan.
Zintzotasuna
Horbelen izaten diren jokabideak eta hartzen diren erabakiak gure balioekiko koherenteak eta asmo onekoak izatea, eta gardentasunez jokatzea.
Berdintasuna
Pertsonen aukera– eta tratu-berdintasuna bultzatzea.
Parte-hartzea
Norbanakoen parte-hartzea ahalbidetzea, erabakigune desberdinen bidez; adibidez, prozesuetan, kudeaketan…
Elkarri laguntzea
Norbanakoaren eta bestearen ongizatea bultzatzetik abiatuta, elkarrekin kolektiboaren ongizatea sustatzea.
Motibazioa
Talentua bultzatzea; interesa, erantzukizuna eta konpromisoa gure nortasun-ikur bihurtzea.
Erantzukizuna
Bezero, langile eta hartzaileen aurrean zerbitzu eta kudeaketa egokiak emateko konpromisoa partekatzea.
Euskara
Horbel kooperatiba euskalduna izanik, bertan parte hartzen dugunok euskara babestea.
Donostiako Igara auzoan gaude.
© 2024 Copyright.
